【財經TOP SEARCH】資金「翻兜」新消費股

【Now財經台】截至早上11時止，過去1小時內《彭博》用戶搜尋量最多港股，依次為中芯國際(00981)、泡泡瑪特(09992)、蜜雪集團(02097)、恒生銀行(00011)及中國人壽(02628)。

早前熱炒嘅科技股近期降溫，資金會唔會轉炒消費股？例如泡泡瑪特及老鋪黃金(06181)等股價都調整咗唔少，呢兩隻股份值唔值得追入？

大華繼顯執行董事梁偉源指，近日資金的確明顯從高市盈率(PE)嘅晶片股及機械人股，轉投相對落後嘅股票，所以今日(10日)新消費股升得靚，尤其泡泡瑪特昨日(9日)開售為萬聖節推出嘅「WHY SO SERIOUS」系列，每款由原價159元人仔炒高逾10倍，至2000元人仔以上，帶動股價向上。此外，鐵路基建股普遍錄得8%至10%升幅，反映資金流明顯轉向。