【輪證贏家】港交牛過夜食60.6%

【now.com財經】噚日睇咗隻港交所(00388)，都揀定隻港交牛(56764)出嚟諗住小時圖會企得住10/20線，可惜愈等愈無，唯有改變策略，用返五分鐘圖嘅Slow STC(14.3)做一趟Swing Trade算數。

以噚日【輪證下半Part】出文時間為1點30分，如常的用10分鐘去睇文的話，即於1點40分再睇返個走勢圖，見港交所小時圖上擺位已經完全低於中軸線。

換個五分鐘圖出嚟則見Slow STC(14.3)兩線觸底上咗，不過未離開超賣位。及至2點5分終於見到兩線向上離開超賣位，即都過咗20，(56764)有條件出場。

同平時一樣都係用10分鐘時間去買貨嘅話，期內(56764)證價做過0.33元。

不過呢一注出場嘅時侯見五分鐘圖股價都仲受制於中軸線，隨時有可以頂住線唔過Slow STC(14.3)向返下落返超賣位，咁又要等多一次Swing Trade出現。

果然，去到噚日後最一小時交易見股價稍為向下，還好保歷加底線接得住個Slow STC(14.3)，完場前兩線一早比返個觸底向上出嚟，至少都比到一個值得過夜嘅理理出嚟。

今朝恒指都係低開，不過喺小時圖上見指數向下再落時靠近條100線，所以今朝作戰室第一注反而係走低開高走嘅好倉。至於格仔方面，人人注碼唔同，通常都係大家自己顧自己嗰注就可以，反正大家又唔係比賽、又唔係要跑數。

但隻港交所就精彩囉，甫開市之後股價一直高走返去噚日高位水平397至398元，Slow STC(14.3)亦見由噚日觸底後上再接力去到超買位，到依家10點22分，Slow STC(14.3)兩線仍然喺80以上超買水平，不過開始見到股價於高位定住等10線上。

如果(56764)都hold到今日嘅話，幾時食都無問題，求其以(56764)現價計平均都有廿格或60.6%正數收返。

我嘅(56764)就計到呢一步啦，如果你仲想Hold嘅話，五分鐘圖嘅10線好好守住啦！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。