【Now財經台】有6隻新股趕搭年底「尾班車」，包括臥安機器人(06600)、迅策(03317)、五一視界(06651)、英矽智能(03696)、林清軒(02657)及美聯股份(02671)趕「尾班車」掛牌，同於昨日(18日)開始招股，下周二(23日)截飛，預期12月30日掛牌，撇除個人喜好因素，喺多隻新股「撞期」招股下，投資者應該點揀好？
Vistra卓佳董事總經理兼IPO及過戶處總監鍾絳虹認為，本港新股市場成熟，而嚟緊掛牌嘅新股各有特色，但市場會較關注呢啲新股5樣嘢，包括行業定位、創新能力、基石投資者、集資用途、行業趨勢及政策大環境。佢續指，只要新股呢啲條件理想，自然會受投資者關注矚目。
此外，證監會及港交所(00388)之前罕有去信所有負責保薦新股嘅投行，指近期IPO申請嘅質素下降，Pamela相信，監管係作出一個「溫馨提示」，提醒市場要小心處理及認真看待相關情況，因為只有嚴格把關先可以造好品牌聲譽。
