【FINTERVIEW】散戶買藍籌科網股搶賺AI錢

【Now財經台】睇返呢兩日「兩會」嘅會議內容，科技發展勢成今年股市焦點，不論整體大市或相關股份都係靠DeepSeek帶挈，今年內地人工智能(AI)公司係咪會出現爆發性增長？投資者應點樣部署及捕捉相關投資機會？

長發資產管理董事馮時煖表示，睇返創投基金嘅投資，都係用一個漁翁撒網嘅策略，一般投資者如果有興趣，可以留意AI或科技相關板塊嘅交易所買賣基金(ETF)，因為可以幫到散戶分散投資。

揀投資產品方面，佢就話，騰訊控股(00700)、阿里巴巴(09988)本身都有投資基金，由於有啲好直接嘅公司仲未上市，如果間接可以留意一啲大藍籌科技股，因為呢啲公司都有一啲相關嘅間接投資，AI開始喺內地蓬勃發展，如果要穩陣及保險就可以考慮藍籌科技股。