【Now財經台】泡泡瑪特(09992)業績後獲大行唱好，股價今日(21日)再破頂，一度高見324.6元，再升2.7%，其後升幅收窄，依家上方冇蟹貨，如果睇好股價繼續向上，受歡迎嘅CALL槓桿普遍約4倍，行使價介乎400元至近500元，年期都唔算長，選擇時有咩要留意？
華泰金控股票衍生品經理溫蕎菲指，泡泡瑪特中期收入按年大升2倍，盈利更按年飆近4倍，按IP劃分，包括Labubu在內嘅The Monsters家族，上半年收入逾48億人仔，高過大行預期之餘，亦是上半年銷售成績最好嘅IP。
Chelsea續指，昨日(20日)資金流入泡泡瑪特好倉多過淡倉，繼續睇好集團嘅投資者，可以考慮行使價400元以上嘅CALL，槓桿相對較高。如果想造淡，可以留意價外約30%嘅PUT，年底到期，槓桿3倍以上。
