【Now財經台】有市場研究報告指，比亞迪股份(01211)4月喺歐洲嘅電動車銷量，首度超越Tesla，比亞迪股價就持續破頂，今早(23日)一度曾升近5%，高見477.8元，再創新高，投資者係咪應該繼續部署好倉？
星展香港環球金融市場上市產品主管周國威指，比亞迪股價自5月中突破410元阻力後，勢如破竹，吸引買盤追入，而公司基本面亦好過市場預期，所以股價不斷破頂。
Dick又指，部署比亞迪CALL輪喺槓桿上有優勢，入場費亦比正股平，由於依家股價有動力，投資者可以選擇較價外，例如行使價550元嘅CALL，今年8月底到期，實際槓桿約7倍。
