【槓桿致勝】阿里CALL/PUT條款點揀？

【Now財經台】阿里巴巴(09988)股價今朝(2日)一度升近5%，高見97.4元，上周落到88元水平時，Keep住都有好友加倉，周二(6月30日)是資金流入第2大個股，有287萬元流入好倉，今朝反彈勢頭強，好友開始食糊未？如果依家入場應該點揀？

滙豐亞太區財富管理香港上市產品銷售經理盧貴良指，資金開始由人工智能(AI)個股，轉為部署返較落後嘅平台科網股，阿里美股昨日(1日)亦開始升返，阿里港股今日一度升近5%，可以考慮繼續加倉及做好倉部署。

Daniel又指，始終阿里股價之前跌得較多，睇返加倉資金，CALL嘅行使價都揀得比較保守，價外約10%，不過，如果覺得股價開始企穩90元，想揀價外啲，例如120元行使價嘅條款，可做到較高嘅實際槓桿，其中，行使價125元嘅CALL，約30%價外嘅條款，今年12月到期，實際槓桿做到逾5倍。

佢續指，若投資者覺得平台股會持續弱勢，較受歡迎嘅PUT可以揀88元行使價，12月到期，實際槓桿4倍嘅條款。