【槓桿致勝】阿里博反彈點部署？

【Now財經台】近期弱勢股阿里巴巴(09988)失「紅底」後，跌勢持續，股價今早(26日)低開逾3%後，跌幅一度擴大至6%，低見89.2元。好友已連續8個交易日入場，似乎仲未肯投降，今日繼續入場博反彈，呢個時間撈貨，相比牛證，揀CALL係咪好啲？

中信證券國際股權衍生品銷售聯席董事李佳原指，如果用牛證撈貨，損失會較慘重，相比之下，CALL輪會好啲，冇收回風險之餘，最近引伸波幅嘅升幅，對CALL輪投資者都有少少幫補。

Sam續指，依家阿里股價跌到咁，相關新產品行使價會偏軟，約110元，另外見到唯一1隻行使價約99元，都有新上市產品，如果投資者想博反彈，就要留意價位，不妨考慮貼價產品。