【槓桿致勝】阿里CALL/PUT點揀？

【Now財經台】阿里巴巴(09988)近期主要受監管消息困擾，股價今早(18日)低開1.4%後，跌幅一度擴大至3.7%，低見102.9元，跌至去年7月以來低位，若好友想博反彈，部署CALL輪係咪比較合適？阿里股價月初至今累跌逾10%，熱門CALL價外幅度逾20%，槓桿5倍至6倍，呢類條款啱唔啱短炒？

滙豐亞太區財富管理香港上市產品銷售經理盧貴良指，其實唔少資金入場博反彈，熱門CALL行使價擺位都比較保守，投資者可以考慮行使價約125元，12月底到期，實際槓桿約5倍。

佢又話，阿里股價已去到近1年低位，如果繼續睇淡後市，PUT輪可以考慮行使價88.8元，今年12月到期，實際槓桿約5倍嘅條款。