【名家給力場】半新股兆易創新唔好走漏眼

【Now財經台】雖然中東局勢反覆，但日韓台灣股市照升，相反，港股就跑輸區內股市，動力唔係好強，恒生指數邊個位有支持，阻力又喺邊？

冠域商業及經濟研究中心主任關焯照指，上月底至今，恒指彈咗近2000點，喺咁強嘅反彈下，港股喺高位回套都好正常，依家係一個「後抽」，而25900點係重要阻力，投資者都可以考慮小注。佢又話，睇返技術走勢，恒指已穿咗中軸，但仍然喺中軸線以上，都算係強勢，最大支持係20天線，即25500點水平，係一個理想買入點。

關博士又話，依家市場熱炒半新股，不妨特別留意兆易創新(03986)，已連續幾日炒上，依家資金主導投資主題股，所以呢段時間應該炒股唔炒市。

此外，寧德時代(03750)基石投資者之一中國石油化工股份(00386)減持逾半H股，股價今日(22日)一度重挫近6%，低見692元，後市可以點部署？

關博士指，寧德基本因素有改善，仍然係一隻強勢股，雖然都有投資者跟風減磅，但股價都唔算係大跌，反而帶嚟一個吸納機會，如果守得住680元可小注。