【Now財經台】截至早上11時止，1小時內《彭博》搜尋量最多港股，依次為ASMPT(00522)、中國石油化工股份(00386)、五礦資源(01208)、紫金礦業(02899)及紫金黃金國際(02259)。
ASMPT第1季度純利逾2.5億元，按年大升2倍，毛利率39.5%，略超預期，新增定單總額按年增長約72%至逾56億元，係4年以嚟最多，主要受惠於人工智能(AI)迅速發展，ASMPT係咪一洗之前幾年頹勢，嚟緊係咪接單接到手軟？
資深證券分析師彭偉新指，內地做晶片、記憶體相關公司如雨後春荀，令晶片工裝設備生產商如ASMPT受惠，喺AI大時代之下，晶片需求暴增，令ASMPT短期業績爆升，對未來整體業務或定單預期，估計喺短期一、兩年內會去到一個歷史高位，之後會出現明顯回落，所以未來業務指引會保持進取，但過咗個期之後就未必能夠繼續保持。
ASMPT股價今日(22日)一度大升8.7%，高見161元，有冇升過龍？Castor又話，ASMPT股價喺呢段時間急升，1個月都冇就升咗60%，過分反映利好消息因素，呢個情況下估值過高，就算之後接單接到手軟，過咗今年情況唔會咁樂觀。
