【名家給力場】港股2026年開局強勢可以Keep幾耐？(上)

【Now財經台】今日(2日)係港股2026年第1個交易日，開局表現強勢，依家大行及市場都繼續看好中資股。恒生指數喺2025年累升逾27%，係其中1個表現靚仔嘅股市，恒指今年開局有個好開始，點睇新一年表現？

勝利證券首席顧問陳建良認為，恒指今個月頭2至3個星期，應該維持到升勢，主要由喺靠去年第4季表現較差嘅科技股帶動，因為騰訊控股(00700)及阿里巴巴(09988)呢啲重磅股，對拉動指數非常重要，呢啲股份大升，就會推高大市。

KL提醒，依家有大量科技相關新股排隊上市，如果呢啲新股一直向上，到時唔止科指升，亦可以帶動整體大市造好。