【槓桿致勝】CALL老鋪黃金博反彈點揀好？

【Now財經台】雖然新消費股唔係近期焦點，但老鋪黃金(06181)股價十分波動，過去兩日累跌近10%後，今日(10日)逆市反彈，見到有資金流入博反彈，但活躍嘅CALL好多都係短年期，價外幅度亦大，呢類條款會唔會太進取？

法巴上市衍生產品部銷售及市場推廣主管李梓維指，今日黃金相關股造好，雖然老鋪黃金今日反彈，但始終靜咗一段時間，如果想入場要留意風險，由於股價波幅開始收窄，如果依家入場要盡量避開行使價1000元以上嘅CALL。

Alvin建議，可以考慮揀行使價800元樓下，明年4月到期，槓桿介乎4至5倍，選擇會較多。佢又提醒，由於引伸波幅開始收窄，若之前發行商定價較高，就要留意波幅回調風險。