【股市脈搏】貝殼炒入港股通憧憬？

【Now財經台】貝殼(02423)股價今早(6日)裂口急升，一度升9%，高見63.75元。

「兩會」提出將持續用力推動房地產市止跌回穩，中央穩樓市嘅態度堅決，對一眾內房股，以至做代理嘅貝殼，都係一個正面訊息。

有券商指，貝殼已達納入港股通要求，憧憬北水可以買貨，近日貝殼股價同成交都轉旺，而港股通名單將會喺下星期一(10日)進行調整，若貝殼成功被納入，有機修復估值。

睇返日線圖，貝殼喺接近60元樓上有一個大裂口，當日係跟住大市大跌，近日回升都兩度測試呢個水平，如果真係獲納入港股通，係好消息出貨定真係可以借助北水補返裂口，就要拭目以待，留意裂口底53元及裂口頂73.5元。