【專家分析】港股呢3個板塊要吼位「落車」

【Now財經台】阿里巴巴(09988)放榜後被大行唱行，刺激股價昨日(1日)勁升逾18%，更推高恒生指數逾300點，重上25600點水平，不過，大市升勢其實唔算全面。恒指其實多次受制26000關，點睇港股後市？

高富金融集團投資總監梁偉民指，港股後市未必可以再靠科技股，睇返今次業績期，造好嘅科技股都係以人工智能(AI)、雲端業務為主，另一方面，由於電商競爭仍十分激烈，導致相關企業利潤率持續受壓，因此，京東集團(09618)、美團(03690)短線積弱，不過，由於A股暢旺，令H股前景變得中性。

Wyman又話，喺A股火熱下，港股可以跟住一齊炒，又指可以留意晶片股、貴金屬或生物科技相關板塊，今輪有機會繼續向上，雖然估值貴，但短期仍可跟進，若之後氣氛轉弱就要吼位「落車」。