【Now財經台】「五一」黃金周就到，市場開始留意旅行出行相關股，其中，攜程集團(09961)股價今日(16日)一度高見433.2元，升5.5%，如果投資者想入市，有咩要注意？
艾德金融執行董事陳政深指，攜程估值因之前受「反壟斷」調查影響而嚴重壓縮，市銷率(PS)由6倍「腰斬」至3倍，但其實攜程基本面唔差，係內地行業龍頭，亦有拓展海外業務，所以資金開始留意返佢，做中長缐部署。
Ryan又指，攜程作爲亞洲最大嘅OTA(Online Travel Agency)，加上有國際業務平台，喺市況正常下，市場都願意畀一個中高位雙數溢價，不過，依家攜程估值仍偏平，因為監管規則開始轉變，可能唔想再見到一個獨大局面，其他平台如美團(03690)、京東集團(09618)、抖音等，都慢慢踩入呢個市場，而市場亦擔心未來有更多附帶條件，例如調整合作條款及增加透明度等，呢啲都影響攜程估值。
