【專家分析】解構友邦股價7連跌「死因」

【Now財經台】美國保險股強勢，反觀主攻亞太區市場嘅友邦保險(01299)，同埋一眾內險股持續弱勢，其中，友邦股價已連跌7個交易日，今日(16日)再創52周新低，仲跌穿埋疫情時低位，相對強弱指標(RSI)亦低過當年兼極度超賣，點解友邦股價會跌到咁？

華盛證券財富管理部董事李偉傑表示，內地收緊監管政策對保險業有長遠影響，其實唔止監管因素，友邦股價喺出完業績後，跌勢顯著加劇，大行及外資對持續性新增業務價值投放嘅睇法比較悲觀，觸發友邦新一輪跌勢，亦缺乏反彈動力及契機，而集團回購規模遠少過之前，除非集團未來提高回購金額，挽救投資者及市場對友邦嘅信心，股價先有機會有起色。