【Now財經台】截至早上11時止，1小時內《彭博》用戶關注度上升最多港股，依次為融創中國(01918)、龍湖集團(00960)、旭輝控股集團(00884)、友邦保險(01299)及碧桂園服務(06098)。
自瑞銀上周轉軚睇好內房股以嚟，加上大市轉強，內房板塊趁勢發力。事實上，近日內房不斷傳出利好消息，包括近日召開嘅政治局會議談及房地產政策會出現重大轉向，最新又有成都全面取消樓市限購令，呢啲消息係咪會令市場有一定憧憬？內房股又應該點部署？
富昌證券聯席董事譚朗蔚認為，解除限購令呢類消息唔會係短期刺激內房股急升嘅原因，反而係股房企信貸情況及市場氣氛帶動，佢又話，內房股轉強亦同銷售等冇關，似乎只係一個短暫刺激。至於內房股之後會唔會再轉差，就要視乎內地整體經濟，若持續通縮，市場亦唔會有投資意欲。
內房股部署方面，譚朗蔚建議，可以考慮相對安全嘅中國海外發展(00688)及華潤置地(01109)呢類股份，因為…
