【專家分析】友邦為搶保單犧牲利潤率

【Now財經台】友邦保險(01299)3月中出完全年業績後，股價至今累挫逾24%，市場憂慮友邦盈利前景，新業務價值利潤率2019年至今一直呈下行趨勢，其中，內地新業務價值利潤率由2019年94%跌至去年51%，摩通大通估計，友邦未來3年新業務價值利潤率將維持約50%，呢個盈利水平市場又收唔收貨？

亨達財富管理董事總經理姚浩然指，內地保險行業競爭激烈，公司會以唔同優惠吸客，變相每張保單嘅價格就會更小，由於內地經濟增長慢，估計保費增長都會較慢，業界競爭就更激烈，保險公司要提供更好嘅條件及優惠吸引新保單，就會令新業務價值利潤率下降。

不過，Patrick指出，友邦去年業績仍勉強收貨，但由於去年都跌咗唔少，如果今年再跌就要留意中長線投資部署，佢又估計，友邦今年業績回調嘅機會較大。