【專家分析】美團企得穩呢個位可買貨

【Now財經台】美團(03690)今日收市後會出季績，份截至噚日止，美團股價今個星期已累跌逾13%，市場預期，集團呢份季績唔會有驚喜，高盛早前估計，美團第3季營收升25%，經調整EBIT大致平衡，但受累內地疫情發展，業務今季仍會持續疲弱。

華盛証券分析師聶振邦建議，留意美團股價未來1周可唔可以企穩喺130元水平，再考慮係咪入市，上望145元至150元。

騰訊控股(00700)方面，聶Sir認為，目前難以確認大股東Naspers嘅減持規模及時間表，股價要上返300元阻力都幾大。佢又話，有貨嘅投資者，一旦騰訊上返280元樓上應考慮減持，冇貨想入市可以等股價調整至260元水平再買入。