【Now財經台】內需股當中，李寧(02331)今日(6日)跑出，半日升4%成為表現最佳藍籌。但股份有特別息因素帶動，宣布派特別息2.32人民幣，折合約2.71港元，金額超市場預期。係咪反映即使要資金要泊入內需股，有股息率兜底會穩陣啲？而派了息對經營可能有影響？
亨達財富管理董事總經理姚浩然指，李寧下季度銷售其實唔算太好，核心業務唔太突出，不過公司本身現金有超過190億元人仔。Patrick指10月公布營運數據時已提到，會於董事會會議審議特別股息，結果股息派得特別好，按李寧上日收市價14.72元計，相當於18厘回報，股價才會受刺激。
不過Patrick提醒，要留意今次派特別股息令股價有支持，但當特別息除淨後就要睇基本因素，變得唔太吸引。
