【Now財經台】港股今日(22日)經歷「黑色星期四」，恒生指數暴跌逾700點，失守23000關，後市隨時下試今年6月低位22518點，唔少分析指，大市氣氛咁差同內地「追稅風暴」有關，但其實8月已傳出相關消息，唔係新鮮事，港股今日大冧真係同向民企追稅有關？《彭博》日前「點名」8名中國富豪會受影響，佢哋透過信託持股合共涉資1400億美元，有份1被點名嘅航運股海豐國際(01308)，今日中午出咗第3季數據，一如預期派特別息，每股1蚊，即係有2厘回報，但股價午後一度挫逾5%。
獨立股評人植耀輝指，其實每年6月底A股都出現異動，例如銀行Call Loan令資金流動性降低，但之後就慢慢復常。股市近日冇乜好消息，加上市場對中東局勢嘅憂慮升溫，都令股市跌勢加劇，港股今日跌勢好全面，幾乎無一倖免，呢浸抛售潮好凶猛，所以港股繼續跌都唔出奇。
佢續指，如果被點名富豪減持股份，正常都會出通告或標準差(Standard Deviation)有變化，但呢一刻只有兩家傳出減持或配股消息，佢認為，主要係市場氣氛令股價下跌，未來都要再觀察。
Stanley話，佢覺得航運板塊第3季業績都唔弱，今日嘅市場氣氛下，睇返航運股，海豐國際都係跟同業跌3-4%，消息影響不大。
