【Now財經台】寧德時代(03750)業績後跌勢未止，今日(22日)再喺大成交下破底，跌至逾1年低位，一度挫逾6%，低見342.4元，雖有資金趁跌流入好倉，但過去5個交易日，整體仍然係做淡資金較多，現階段博反彈應揀CALL定等新牛證上市？
法巴上市衍生產品部銷售及市場推廣主管李梓維指，目前市場上可供選擇嘅產品唔多，牛證好多都被收回，收回距離都好近，建議用返CALL輪去博反彈，因為始終「寧王」跌穿晒位，跌幅可能比想像中更深。
條款方面，Alvin建議吼價外少少、年期較長的中長身產品，例如明年5至6月到期、行使價喺500元樓上，如530至550元，約價外40%至50%，普遍都做到約6倍槓桿。
