【Now財經台】小米集團(01810)股價已連升3日，今日(15日)一度逆市升逾3%，高見27.26元，之後保持升勢。小米汽車最新推出嘅「澎程」(SkyNomad)系列，已鎖單7萬架，反應好過預期，小米近日亦發布咗新手機，但舊機17 Ultra系列反而全線加價，最多加1000人仔，其實8月、9月已加過價，雖然基本面有正面消息，但係咪足以令到小米股價升足3日，累升約10%？
元宇證券證監會持牌人士李偉傑表示，「澎程」系列鎖單7萬架的確係利好消息，但手機加價可視為潛在轉變，銷量或會受影響，要視乎新機會唔會吸引到消費者換機意欲，或剛性需求係咪強勁，小米股價暫時被視為一浸反彈浪，但係咪可以持續，都要等破埋技術位先知。
Jason又話，當環球算力硬件股暴跌，變相相關公司喺晶片、存儲等零件加價壓力會細咗，產能上會滿足到市場需求，供求上可以取得平衡，硬件平咗小米係會受惠，所以小米喺算力硬件股下行時，可以成功吸金。
