【Now財經台】科網股今朝(12日)個別發展，其中，阿里巴巴(09988)早段走勢搶鏡，一度高見110.4元，升逾3%，過去5個交易日好倉都有逾千萬元坐貨，今早阿里資金流情況係點，好友會唔會傾向先食糊？CALL及牛證槓桿都吸引，熱門條款槓桿介乎9倍10倍，行使價、收回價都有唔少選擇，邊類條款較受歡迎？
摩根大通亞洲上市衍生產品銷售部經理陳欣諾指，阿里牛證繼續有資金流入，股價今朝曾掂過110元，資金可能博進一步上試100天線，即112元水平，但暫時落返108元水平。
條款方面，Joli指出，熱門CALL/PUT價外20%，明年2月到期，槓桿約6倍。牛熊證方面，熱門產品價外10%至15%，槓桿約10倍。
