【Now財經台】有大行估計，阿里巴巴(09988)上季雲收入按年增長50%，股價近期一度跌至102.6元嘅7個月低位，過去5日，好倉有1970萬元流入，今朝(9日)好淡友點部署？熱門CALL槓桿約5倍至8倍，價外12%至15%，明年初到期，呢類條款有咩優勢？
法興證券上市產品銷售部董事蔡秀虹指，阿里股價近日窄幅上落，喺低位窄幅增持及整固，因此，引伸波幅亦回落至較低水平，但下跌空間較之前小，較熱門條款年期都相對長，明年1月底至2月到期嘅產品，行使價115元至120元，價外約10%，實際槓桿約7倍。
Eva續指，若投資者想做中線部署，可考慮上述提及嗰類條款，因為實際槓桿吸引之餘亦較長身，行使價亦唔係太價外，持有成本相對短身CALL低，時間值損耗亦較溫和。
