【Now財經台】港股踏入10月呢個傳統股災月即插水，恒生指數今日(2日)一度暴跌逾700點，金融股成跌市重災區。至於歐洲金融股亦重挫，主要是主權債被拋售。此外，英國30年期國債升穿6厘，衝上38年高位，滙豐控股(00005)及渣打集團(02888)今日收市挫逾5%，跌幅合唔合理？
王道資本及家族資產管理執行董事黃敏碩指，可以從持有債券比例及業務佔比分布去分析，滙控近幾年逐步減少歐洲業務，主攻亞太區業務，今日跌幅咁大，相信係被短倉資金借勢夾低，加大調整壓力。Michael提醒，依家滙控及渣打技術走勢偏弱，投資者不宜「接飛刀」。
