【Now財經台】截至早上11時止，過去1小時內《彭博》搜尋量最多港股，依次為騰訊控股(00700)、納真科技(09856)、聯想集團(00992)、美團(03690)、天數智芯(09903)。
內地光傳輸及光連接產品供應商納真科技(09856)今日(22日)首日掛牌，股價一度高見39.3元，較招股價高近20%，近期光傳輸板塊都造得唔錯，納真科技上市時機係咪都唔錯？
復星國際資產管理投資經理李曉翀表示，納真科技今日表現唔錯，因為過去一段時間唔少新股都要「潛水」，集團比其他光模塊公司優勝嘅地方，係公司有光芯片業務，上市前都曾經披露第1季毛利率係受惠於光芯片出貨，令毛利率由去年約20%升至今年上半年約24%。
Andrew又指，若納真未來可以維持現時嘅增長步伐，估值就相當吸引，現時市盈率(PE)不足20倍，同較大型光模塊公司比較有少少折讓，之未來就要視乎光芯片業務係咪持續強勢，令市盈率可以重估。
