【Now財經台】智譜(02513)連跌11日後，今早(16日)低開3.5%後，不久已掉頭向上，一度倒升8.6%，高見739元，繼美國總統特朗普(Donald Trump)及英偉達(Nvidia)行政總裁黃仁勛公開反駁人工智能(AI)末日論，以及市傳OpenAI再啟動新融資，智譜終於出現反彈，如果想博反彈應該揀咩條款？
中銀國際證券衍生產品部董事朱紅指，智譜股價由900元至1200元落到700元水平，某程度上已局部反映咗集資情緒，股價今日回升，見到有投資者開始入場博反彈。
Niki話，較多投資者傾向選擇行使價約1100元，價外50%至60%，明年6月到期，約2倍槓桿嘅CALL博反彈，佢提醒，智譜引伸波幅由早前約180窩回到介乎140至150窩水平，係市場適中水平。
PUT輪方面，行使價約580元，明年3月到期，引伸波幅約144窩，槓桿約1至2倍嘅條款有較多投資者留意。
