【Now財經台】繼今年7月之後，智譜(02513)又「抽水」兼發可換股債券(CB)，合共集逾390億元，配股價714元, 較上周五(11日)折讓近10%，智譜股價今朝(14日)大跌，一度低見710元，重挫10%，插穿配股價，智譜股價暫時已連跌10個交易日。如果投資者想依家入場做部署，有咩要留意？
摩根大通亞洲上市衍生產品銷售部執行董事李錦妍指，智譜淡倉上周有大手資金出現異動，單日有過千萬資金流入智譜PUT輪，同日MiniMax(00100)都有PUT輪資金留意，上周五(11日)股價跌咗落嚟，資金都走咗一半。
Carol又話，投資者依家想入場部署智譜，要留意發行商可唔可以就引伸波幅定價，維持返一定程度嘅穩定性，否則，輪價會出現「唔跟行」嘅情況。
