【now.com財經】噚日繼續留意隻友邦(01299)，終於喺開市首半小時內有見股價於50線上企住，所以隻友邦牛(54718)有條件出場。
本身係睇日線圖嚟度住個上望目標，但去到下半場之後見股價連小時圖條中軸線都過唔到，等到收市前都未見到再上，保正數大原則下先走人。
今朝起身見隔晚美股再次下行，所以都有估到指數今日都係低開，再望埋個牛熊證街貨圖...開市前都喺作戰室同戰友mark定今日重貨牛24,900至24,999點嗰層過千張嘅期指街貨都凍過水。
「今日24,800至24,899點雖然唔係重貨區，但都有過千張期指街貨喺度喎...」係呀，不過呢其個市嘅pattern有似開市之後一步到位(連埋個裂口)，跟手收工，做Day Trade嘅最多都只係夾到條肉絲食吓。
依家10點23分，作戰室一早完成先淡後好兩注貨，依家第三注淡倉中都開始要「了」條肉絲出嚟。
換小時圖上見，今朝首半小時出低位十字星，但都無乜效，指數裂口向下穿25,000點之後，目前大部份時間都處於24,950點附近位置，Slow STC(14.3)兩線向下，比埋24,800至24,899點嘅重貨牛做餌的話，恒指熊(55057)，收回價25,380點，同現價有約400點距離，槓桿有約52倍，為市場上最貼價及最高槓桿嘅熊。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
