【Now財經台】聯想集團(00992)今日(8日)股價突然急瀉，一度重挫逾11%，低見28.62元。美國晶片製造商英特爾(Intel)嘅中央處理器(CPU)又加價，市傳10月5日起，電腦CPU加價約10%，係2025年底以來第3次加價，現時聯想主要收入來源仍然係智能設備業務，包括個人電腦(PC)，重要零部件加價令市場擔心聯想業務及毛利率，但股價跌到咁有冇跌過龍？
獨立股評人植耀輝指，加價消息唔單止令聯想股價大跌，亞太區內好多同PC相關嘅股份都要跌，反映加價對公司股價造成壓力，依家市場更看重聯想嘅人工智能(AI)數據中心發展，業績見到方案服務業務表現強勁，呢項業務可能先係公司較大賣點，佢又認為，聯想股價今日係跌過龍，而市場亦有過分憂慮之嫌。
Stanley又指，聯想最近嘅業績睇到毛利率按年上升，反映公司轉嫁成本能力較高，加上聯想同好多供應商簽咗長期供應合約，都可能幫到公司消化加價影響。
