【Now財經台】寧德時代(03750)股價近期弱勢，今日(8日)輕微低開後，一度挫4.5%，低見546.5元，睇返技術走勢，「寧王」已失守晒主要移動平均線，更跌穿埋4月時配股價628.2元，點分析集團股價走勢？
元宇證券大中華區股票投資總監趙晞文指，「寧王」股價4月至今都行緊一個好大範圍，但又唔係跌足成個量度跌幅目標，即400元，因為基本面冇明顯轉差。
晞文又話，大行過去一段時間講嘅AH差價，喺過60日溢價相對較高，當中因為「寧王」喺H股之中屬於稀缺性標的，亦同H股流動性相關，境外機構投資者相對願意比一個較高嘅溢價，而過去5個交易日嘅溢價收窄約30%。
佢續指，「寧王」作為行業龍頭，考慮全球市佔率仲係靠前，有「護城河」，面臨嘅挑戰又唔係好大，加上行業最近亦又冇太多增量消息出現，相信短線資金暫時需要鎖定做估值修正。
