【Now財經台】內地快時尚服飾銷售平台希音(Shein)預期下周二(9月1日)登陸港交所(00388)，集團指國際配售已足額，市傳孖展超額認購逾3倍，反應係咪麻麻？據《彭博》引述消息指，希音擬以中位48.56元定價，有冇預留水位？
BLUE WATER CAPITAL投資總監李澤銘指，希音招股反應的確比較差，估計公開發售最終僅超購4倍至6倍，同以往一啲有名氣嘅新股，動輒超購過百倍比較，認購反應相差好遠。
希音主打速食時裝(Fast Fashion)，但過去半年內地電商平台整體情況唔理想，其中1個原因係大眾消費意欲疲弱，雖然希音受各種不利因素影響，但估值都唔算平，上市市值達250億美元，高過預期嘅170億至180億美元，定價亦算進取，預留嘅水位唔多。
