【Now財經台】威勝控股(03393)今日(27日)中午出咗上半年業績，股價午後急瀉，一度低見14.52元，急瀉16%。集團3大業務中，僅數字能源服務商有睇頭，收入及新定單都倍升，前者佔比升至44%，呢瓣業務主要同人工智能(AI)數據中心配電及新型儲能有關，其實英偉達(Nvidia)都谷緊相關業務，有競爭又冇絕對優勢下，仲有無亮點？
獨立股評人植耀輝指，市場會關注呢瓣業務嘅發展，而威勝其他業務表現遜色，正正反映現時內地嘅經濟大環境。
Stanley又指，現時嘅情況主要同AI數據中心有關，公司大客萬國數據(09698)本身建設AI數據中心速度都好快，所以收入方面一定有保證，但與此同時，成本亦會上升。
佢續指，內地都有其他公司都同類生意，競爭自然好大，出現「爭收不爭利」嘅情況，Stanley坦言，都擔心之後會困擾行業發展。
