【Now財經台】近期生物科技板塊明顯跑贏大市，藥明系係其中一個焦點，藥明合聯(02268)、藥明生物(02269)、藥明康德(02359)股價昨日(26日)衝高回落。藥明系今日(27日)有新消息，藥明康德減持藥明合聯套現逾39億元，藥明合聯一度挫6.7%，低見72元，藥明生物曾跌3.2%，低見49.08元，藥明康德就反覆向下。市場擔唔擔心其他業績挸嘅生科股，例如信達生物(01801)會被股東減持，藥明系今次呢個動作又釋出咩訊號？
港灣家族辦公室業務發展總監郭家耀Matthew指，今年創新藥股造得好好，市場都對業績好滿意，令股價有更大上升動力，其實藥明系過往都有股東趁好消息減持嘅情況，所以市場唔會特別意外，而減持消息一定會令股價降溫。
創新藥板塊方面，Matthew認為，如果再有一兩家公司股東趁高減磅，可能成為短期降溫催化劑，股價有機會借勢調整。不過，由於創新藥企業績交到功課，所以唔會影響長期上升趨勢，只係近期升得比較多，導致股價出現調整。
