【Now財經台】MiniMax(00100)「染藍」大熱倒灶後，股價過去兩日累跌約13%，集團今日(26日)會出業績，股價今朝高開1.5%，開市報304.2元，其後曾短暫倒跌，之後重拾升勢，一度高見313.8元，升4.7%。好倉昨日(25日)有350萬元資金流出，今日多唔多好友入返場？熱門CALL槓桿做到逾1倍，價外近10%至逾1倍都有，點解有咁大差別？
花旗上市衍生產品部副總裁麥穎儀表示，MiniMax上市初期升得好急，隨著人工智能(AI)及硬件股出現回調，MiniMax股價都落到較低水平，如果同智譜(02513)相比，雖然之前升得較慢，但喺呢轉反彈就相對穩定，今輪回調資金冇流入小型硬件股，反而流向大型AI股，而MiniMax亦係重點關注對象。
如果睇好MiniMax後市，CALL輪可以考慮行使價近400元，兌換比率800對1嘅產品，原因係...
