【Now財經台】金斯瑞生物科技(01548)股價今個月累升逾50%，並升上3年半高位，公司中期核心業務淨利潤按年飆1.2倍，主要受惠於人工智能(AI)驅動藥物發現需求上升，呢輪升勢係靠AI製藥熱潮炒作，定係真係有實質增長支持？市值迫近美股對標Twist Bioscience下，依家可以點部署？
獨立股評人李偉傑指，今次中期業績可以反映呢個業務唔係純炒作，而係可以實質帶動盈利增長，毛利亦持續提升，減低市場對生物科技喺AI併合業務嘅不確定性，因為就算運用AI計算出幾多藥品組合，都必須要將數據落地呈現先有實際利潤，金斯瑞作為AI喺CDMO業務嘅賣鏟人，業務具備獨特性，未來2至3季喺AI應用方面有較高期望都算合理。
不過，Jason話，金斯瑞股價由6月底約10元飆升至28元，累升2.8倍，現價高追有風險，加上唔少資金早喺低位部署，所以唔建議高位追入，建議有耐性嘅投資者可留意10天線、約24元水平支持，等待技術性調整出現再作部署都唔遲。
