【Now財經台】截至早上11時止，1小時內《彭博》用戶關注度上升最多港股，依次為中國移動(00941)、藥明生物(02269)、MiniMax(00100)、長飛光纖光纜(06869)、金斯瑞生物科技(01548)。
據《彭博》報道，中移動正試探潛買家對集團持有嘅泰國電訊公司True股份初步興趣，據True最新年報顯示，中移動持有True約7.8%股權，點睇中移動想賣True部分持股呢單消息？依家中移動息率6.6厘，係咪都算吸引？
復星國際資產管理部投資經理李曉翀指，有呢單新聞做催化劑總好過冇，嚟緊可以留意業務方面，手機增值功能以外，一啲賣Token嘅新套餐，未來有機會涉及資本開支及現金流。
Andrew又話，中移動息率6.6厘有吸引力，因為美國加息有一定困難，尤其9月、10月議息前，要面對中期選舉嘅政治考慮，加上喺畸型經濟下對美國經濟增長嘅壓力，都令加息預期不斷降溫，若美國聯儲局第4季轉為有機減息，中移動息率就更吸引。
