【Now財經台】阿里巴巴(09988)將於周四(20日)派成績表，綜合華爾街大行預測，阿里雲收入增長或加快至按年升45%，高過市場平均預測，阿里股價今朝(17日)一度升逾2.5%，高見122.9元，唔少熱門CALL都係今年到期，啱唔啱業績前後做部署？
中信證券國際股權衍生品銷售聯席董事李佳原指，投資者部署CALL輪或PUT輪時，都應該重點考慮條款嘅有效期，短身條款大約喺9月至10月到期，引伸波幅較大，可能出現升幅被引伸波幅下跌覆蓋嘅情況，收回風險較高。中長身條款方面，12月底至明年2月到期，引伸波幅相對溫和，對輪價影響較小。
Sam續指，12月到期嘅CALL，行使價大部分價外10%至20%，實際槓桿約6至7倍，其實槓桿已經好高，佢提醒投資者，唔好為追槓桿去博短身條款。
