【Now財經台】截至早上11時止，過去1小時內《彭博》搜尋量最多港股，依次為聯想集團(00992)、騰訊控股(00700)、新秀麗(01910)、泡泡瑪特(09992)及MiniMax(00100)。
聯想會喺今日(13日)中午出業績，股價今朝一度大升逾7%，高見31.26元。同樣做人工智能(AI)伺服器嘅美股超微電腦(SuperMicro)及台股華碩，季績都好過預期，中信里昂話，反映伺服器行業處於上升趨勢。聯想股價之前喺5月底裂口爆升，亦係受惠於伺服器需求，今次係咪有更大憧憬？
香港股票分析師協會副主席曾永堅指，聯想股價由2025年底嘅8.9元水平，升到現時逾30元水平，累升3.5倍，主要係旗下基礎設施方案業務集團(ISG)業務受AI浪潮推動，由於AI熱潮持續熾熱，市場對集團業績有好大憧憬，特別係AI相關業務，例如伺服器等。
Jaseper又話，如果聯想股價要企穩30元水平，最重要睇ISG業務及營運利潤率，以及經調整後淨利潤表現會唔會有進一步突破。
