【Now財經台】市傳阿里巴巴(09988)計劃就新一代大模型，向商用用戶收取營收分成，股價今早(7日)輕微高開後，好快就掉頭向下，一度跌2.2%，低見121.6元，暫時連跌兩日，好友連日食糊離場，如果想做睇好部署，CALL應該點揀？
法巴上市衍生產品部銷售及市場推廣主管李梓維認為，阿里牛熊證選擇好多，阿里升勢唔算好急，係穩步上升格局，如果認為阿里可以補返之前裂口，收回價可以選擇115元至116元水平，同現貨有6%距離，呢類牛證槓桿非常高，去到12倍，比CALL輪高。如果想避開收回風險，收回價可以擺150元，價外約20%至30%，年底到期，平均7倍槓桿。
