【Now財經台】截至早上11時止，過去1小時內《彭博》用戶搜尋量最多港股，依次為友邦保險(01299)、新鴻基地產(00016)、MiniMax (00100)、泡泡瑪特(09992)及紫金礦業(02899)。
內地喺7月1日起，正式實施嘅境外投資新規定，加強監管境內資金外流，去到7月又表明向離岸信託設立、存續期收益徵收個人所得稅，至昨日(6日)又傳出向境外保單徵收個人所得稅，點睇最新嘅徵稅傳聞？
香港股票分析師協會副主席曾永堅指，中央喺5月下旬開始推行有關境外投資獲利收稅嘅政策，到最新向保單收益徵稅嘅傳聞，都反映中央似乎有意將流出境外嘅資金，盡可能回饋返畀社會。
Jasper估計，呢類措施會持續推行，因為不論中央、地方政府，都要強化財政狀況兼開源，所以將來有機會投資海外嘅固定資產，尤其樓市，套現後嘅利潤都要徵稅。
