【Now財經台】在港澳從事地基工程業務嘅上諭集團(01633)控股權易手，今日(27日)復牌後，大幅高開62%，開市報0.7元，見咗暫時高位，其後反覆向上，最新報0.55元，大升近28%。集團通告提及，短期內會維持現有主要業務及上市地位，但講明會進行詳細檢討，評估現有業務，制訂長遠策略，探索合適投資及商機，又講明計劃提名新董事，係咪暗示未來可能注入其他資產或轉型？
《香港股票財技密碼》作者梁杰文指，自從港交所(00388)修改關於「殼股」嘅上市規則，要注資或轉型都好難，估計賣完殼要等2至3年，先有機會做重大嘅重組或收購，不利短線炒作嘅股東。
Mike估計，新買家陳海寧喺嚴格規則監管下都要入場，可能因殼價唔貴，加上地基工程營業額每年最少有2億元，反映業績較穩定。
