【Now財經台】截至早上11時止，過去1小時內《彭博》搜尋量最多港股，依次為金沙中國(01928)、地平線機器人(09660)、紫金礦業(02899)、華虹宏力(01347)及中國重汽(03808)。
金沙第2季度經調整物業EBITDA按年倒退24%至4.3億美元。中信里昂指，比市場預期低15%，主要係貴賓廳贏率偏低，又指第2季博彩收入市場份額按季跌2.6%至約24%。該行又稱，金沙中場業務具靭性，維持「跑贏大市」評級及目標價17.2元，點睇金沙未來業績走勢？
天風國際李偉傑指，數字的確比預期差，尤其係EBITDA顯著放緩，股價係最誠實，上季調整幅度好深，所以市場應該解讀為已經消化咗，值得留意係，睇返過往世界盃期間，影響整體賭收約10%至15%，今日出嚟嘅大數都麻麻。
Jason又指，展望下半年，可以留意金沙主打嘅盛事，可唔可以進一步激發及轉化，例如酒店收入、賭收情況。
股價方面，佢就話，金沙估值吸引，雖然業績差，但今日(23日)都升到4%，金沙之前都跌咗好多，如果想超賣後博反彈，依家已成功收復10天及20天線，所以嚟緊就會向上修復50天線，即14.2元水平，中線更有可能挑戰100天線，即15.3元。
