【Now財經台】截至早上11時止，過去1小時內《彭博》用戶搜尋量最多港股，依次為哈爾濱電氣(01133)、智譜(02513)、小米集團(01810)、港交所(00388)及長飛光纖光纜(06869)。
哈電發盈喜，刺激股價今日(21日)大升，喺資金湧入下，股價今朝(21日)大幅高開8.5%後，升幅一度擴大近24%，高見16.23元。瑞銀指，哈電盈喜遠超預期，又重申睇好公司。
復星國際資產管理投資經理李曉翀認為，由於國內推出新型電力系統會增加調峰及調頻需求，繼而令哈電各類設備受惠。佢提醒，投資者要留意定單合同，如果價格較穩定，相關上游原材料加價或對利潤率造成影響，但佢認為，現時哈電估值較同業平，市盈率(PE)約10倍，估計短期仍可睇高一線。
Andrew又話，由於哈電唔係最近上市，除非未來有政策指導及支持，否則，公司提高派息比率嘅機會唔大。
