【Now財經台】人工智能(AI)及半導體相關股持續捱沽，「AI六小虎」之一嘅智譜(02513)今日(17日)一度急瀉近30%，低見1085元，MiniMax(00100)曾暴跌近18%，低見210元，而部分AI、半導體股估值其實都唔貴，係咪開始值博？
亨達財富管理董事總經理姚浩然表示，喺香港買硬件股估值較貴，但如果增長理想都可以考慮，例如兆易創新(03986)之前發盈喜，股價亦已自高位回落，預測市盈率(PE)約30倍，雖然PE都係高，但起碼公司有錢賺，加上相對其他股份估值比較合理。
Patrick又指，美股方面可以考慮美光科技(Micron Technology)，估計2027年每股盈利最少168美元，估值約5倍。此外，SK海力士(SK Hynix)韓股及美國存託憑證(ADR)都可以考慮，雖然ADR有高溢價，但只佔總發行量約2%，相比台積電(TSMC)ADR溢價逾10%，但佔總發行量約20%，SK海力士溢價算可接受範圍。
