【Now財經台】長飛光纖光纜(06869)今朝(15日)開市前發盈喜，預告中期最多賺30億人仔，按年最多飆逾9倍，不過，長飛光纖股價先高後低，早段一度爆升22%，高見188元，但之後走勢轉弱，午後更一度倒跌，點解股價會有咁嘅反應？
元宇證券投資總監林嘉麒指，長飛光纖預測市盈率(PE)約23倍，理論上係合理，股價之前升穿300元，現時喺155元水平，有少少去槓桿嘅情況，公司發盈喜後，大行有機會上調明年及後年嘅盈利預測，所以短線獲利在所難免。
KK又話，長飛光纖今日股價反應，未必係反映公司前景，相信股價跌好大原因係投資者沽貨。佢續指，今年餘下時間長飛光纖產能未必可以滿足到需求，所以未來仍有加價空間，有機會推高每股盈利。
至於人工智能(AI)熱潮係咪開始冷卻，佢就話，AI熱退得快，但唔代表成個故事完結，睇返基本面...
