【Now財經台】截至早上11時止，過去1小時內《彭博》用戶搜尋量最多港股，依次為濰柴動力(02338)、中國人壽(02628)、信達生物(01801)、MiniMax (00100)及長飛光纖光纜(06869)。
長飛光纖發盈喜，預期上半年盈利介乎24億至30億人仔，股價今日(15日)大幅高開近15%，其後升幅一度擴大至22%，高見188元，但之後升少一大截，雖然股價今日大升，但其實之前自高位回調逾50%。
資深證券分析師彭偉新認為，長飛光纖市盈率(PE)逾100倍，因此，就算盈利有增長都唔可以好快去返合理水平。佢又指，雖然公司新型光纖有突破，但仍需其他配套配合，所以好易被其他相關技術取代，因此，佢認為長飛光纖領先同行嘅優勢短暫。
彭偉新又話，長飛光纖股價昨日(14日)自低位反彈，今日再大幅高開，股價上到阻力位升大截係正常，建議冇貨嘅投資者等股價再落返低位再做部署。
