【Now財經台】內地人工智能(AI)初創公司月之暗面(Moonshot)上周五(17日)發布「Kimi K3」大型語言模型，公司聲稱可媲美OpenAI及Anthropic嘅模型，外電形容係另一個DeepSeek時刻，消息一出，多隻國產大模型股嘅股價上周五急瀉，月之暗面喺內地嘅競爭對手智譜(02513)急瀉逾28%，MiniMax(00100)亦重挫近16%，今日(20日)區內相關股份都繼續受壓，若中國AI模型技術持續進步，有咩股份可以受惠？
高富金融集團投資總監梁偉民指，中國發展自家AI會推高半導體需求，不過，中國受美國限制令好多西方嘅半導體公司未必會供貨畀中國，所以中國需發展自家半導體，所以會利好內地半導體企業，所以市場對晶片製造商前景睇得比較樂觀，例如華虹宏力(01347)，但投資者要留意呢啲晶片製造商嘅估值係咪合理，例如華虹就已經好誇張，幾百倍市盈率(PE)，即使未來1年盈利有好高增長，預測PE仍超過150倍。
